SJ Univer - шаблон joomla Продвижение

ТЕКОВНИ АКТИВНОСТИ

СТАТУС НА ЗЕЛЕНО ЗНАМЕ ПО ВТОР ПАТ

Објавено во ТЕКОВНИ АКТИВНОСТИ
Среда, 15 Февруари 2017 11:11
847 Hit
(1 Гласај)

По објавениот конкурс за наградување од имплементацијата на Програмата ,, Интеграција на еколошка едукација во македонскиот образовен систем ,, ОУ ,, Малина Попиванова ,, Кочани се стекна со највисок статус ,, Зелено знаме ,,  со исполнување на сите точки предвидени со програмата .

Заклучно со крајниот рок за пријавување 15.01.2017 год на електронската апликација се имаат пријавено 29 воспитно образовни институции, право на пријавување имале 51 детска градинка, 359 основни училишта и 100 средни училишта . 

Координатор на еко активностите во нашето училиште е одделенски наставник Здравка Охомуш 

СРЕЌНА НОВА 2017 ГОД

Објавено во ТЕКОВНИ АКТИВНОСТИ
Вторник, 27 Декември 2016 08:27
959 Hit
(1 Гласај)

ОУ ,, МАЛИНА ПОПИВАНОВА ,, КОЧАНИ ВИ ГИ ЧЕСТИТА НОВОГОДИШНИТЕ И БОЖИЌНИТЕ ПРАЗНИЦИ , МНОГУ ЗДРАВЈЕ СРЕЌА И УСПЕХ 

ВТОРО МЕСТО НА МЕЃУНАРОДЕН ЛИКОВЕН КОНКУРС

Објавено во ТЕКОВНИ АКТИВНОСТИ
Петок, 18 Ноември 2016 18:14
1754 Hit
(1 Гласај)

На ден 17.11.2016г. во просториите на Кино салата на Кинотека на Македонија во Скопје, ДЕТСКИОТ ЛИКОВЕН ЦЕНТАР - ГРАДСКО ЗДРУЖЕНИЕ НА ЛИКОВНИТЕ ПЕДАГОЗИ беше отворена Меѓународна детска ликовна изложба 13 НОЕМВРИ СКОПЈЕ 2016.

Ученичката Ангела Иванова IX4одд. од О.У.,,Малина Попиванова'' Кочани по објавениот конкурс и доставената ликовна творба е наградена со диплома за освоено II место . Ученичката е под менторство на предметен наставник по Ликовно образование Мирјана Рашкова.

„Ноември месец на науката“ и XLI Школа „Млади физичари“ -Скопје

Објавено во ТЕКОВНИ АКТИВНОСТИ
Понеделник, 14 Ноември 2016 20:36
1058 Hit
(3 гласови)

„Ноември месец на науката“ и XLI Школа  „Млади физичари“ -Скопје

На 11 и 12 ноември оваа година во Скопје  City Mall и во просториите на Природно –математичкиот факултет се одржа мега настан под мотото „Ноември – месец на науката“ , во организација на друштвата на биолози, физичари хемичари , географичари и астрономи.

Настанот беше наменет за сите ученици од основните  училишта од Р.Македонија и наставниците што предаваат Природни науки, Физика , Хемија, Биологија и Географија.

Од ОУ „Малина Попиванова “ активно учествуваа учениците во натпревар во изведување  на експерименти, решавање на тест и предавања од областа на природните науки. Местото каде се презентираа учениците од нашето училиште побуди огромен интерес кај посетителите на настанот .

Во изведувањето на експерименти нашето училиште го претставија следните ученици:

1.Санева Теодора— диплома за успешно учество

2.Захариева Ангела

3.Санева Стефани

4.Захариев Љупчо

5. Игнатов Љубомир

6. Крстова Лина –освоено наградаIII место

7.Елеонора Манасиева—диплома за успешно учество

8. Евгениј Јосифовски—диплома за успешно учество

Во решавање на тест:

1.Лазарова Бојана, Крстова Ана, Стоикова Мартина и Спасова Анастасија

Предавања од областите на природните науки:

1.Ристеска Мартина,Петрова Јана,Борисова Стефанија,Велкова Теодора и Крстова Вероника 

Учениците кои беа присутни на настанот и активно учествуваа беа под менторство на Предметен наставник Славица Атанасова Марија Илиева и одд наставник Гордана Јанева 

ДЕНОВИ НА МЕДОТ - 2016

Објавено во ТЕКОВНИ АКТИВНОСТИ
Сабота, 22 Октомври 2016 22:11
1491 Hit
(1 Гласај)

ТРАДИЦИОНАЛНО ПОСЛЕ ,, ДЕНОВИ НА ОРИЗОТ ,, СЕ ОРГАНИЗИРА ,, ДЕНОВИ НА МЕДОТ ,, ВО КОЧАНИ ВО ГРАДСКИОТ ПАРК 

каде производителите на мед од Општина Кочани , Република Македоонија и пошироко имаат можност да ги презентираат на многубројните посетители своите производи од мед .

Меѓудругото се објавува и повик за конкурс за литературни и ликовни творби на тема мед .

ОУ ,, Малина Попиванова ,, Кочани учествуваше со ликовни илитературни творби како начин учениците во најраната возраст да се едуцираат за важноста и неизбежен дел од исхраната - МЕДОТ 

- УЧЕНИЦИТЕ СТЕФАНИ САНЕВА , ИВАНА МИРЧЕВСКА , ЕЛЕОНОРА МАНАСИЕВА УЧЕНИЦИ ВО 5-то одд  ВО ОУ ,, МАЛИНА ПОПИВАНОВА ,,  СЕ НАГРАДЕНИ ПО ОБЈАВЕНИОТ КОНКУРС 

Активностите се реализираа под менторство на одделенски наставник Гордана Јанева и училишен педагог Ивана Симијонова 

ИЗБОР НА ДИРЕКТОР НА УЧИЛИШТЕТО

Објавено во ТЕКОВНИ АКТИВНОСТИ
Среда, 19 Октомври 2016 14:45
1697 Hit
(3 гласови)

По донесена одлука на Градоначалникот на Општина Кочани за објавување на Јавен оглас за избор на Директор во ОУ ,, Малина Попиванова ,, Кочани , Училишниот одбор ја спроведе постапката согласно законот за основно образование и законот за работни односи .

По спроведената постапка , Градоначалникот на Општина Кочани изврши избор односно му го довери мандатот од 4 год на Ивица Цимбалевиќ почнувајки од 21.12.2016 год 

,, ДЕНОВИ НА КОЧАНСКИОТ ,, ОРИЗ 2016

Објавено во ТЕКОВНИ АКТИВНОСТИ
Недела, 16 Октомври 2016 04:02
907 Hit
(2 гласови)
Традиционално Општина Кочани организира ,, Денови на Кочанскиот ориз ,, ,  ОУ ,, Малина Попиванова ,, Кочани учествуваше со училишниот хор под раководство на предметен наставник Крстина Петрова , на објавените конкурси за литературни и ликовни творби нашето училиште е наградено 

за ликовна творба   Ангелина  Димитрова, ментор: наставник  Мирјана Рашкова


за литературна творба Даниел Димитровски  (Денови на оризот)  6-то одд.под  менторство на  наставник Хилда Панов 

ОУ ,, Малина Попиванова ,, Кочани  организираше и свој штанд каде ја искористи можноста да ги претстави активностите и успесите на училиштето , идејното решение и целокупната организација на штандот е под менторство на наставник Славица Атанасова

УСПЕХОТ НА УЧИЛИШТЕ ЗАПОЧНУВА ОД ДОМА

Објавено во ТЕКОВНИ АКТИВНОСТИ
Сабота, 08 Октомври 2016 16:30
878 Hit
(1 Гласај)

Децата кои се успешни на училиште, генерално имаат родители кои ја разбираат важноста на подршката и кои имаат начин да всадат позитивен пристап кај ученикот кон учењето, вклучувајќи ја и домашната задача.

Домашна задача – работа која ученикот ја завршувадомабез помош и надзор на наставникот – ова е важен дел од училишниот ден. Домашната работа помага во самодисциплината на ученикот и во планирањето на времето. Исто така, помага децата да станат самостојни и домашната задача да ја сфаќаат сериозно.

Понекогашдомашните задачисе комплицирани и тешки. Најчесто тоа е првата работа која вашето дете сака да ја направи после училиште. Многу често бара од родителите наместо да читаат весник да помогнат на своето дете на било кој начин.

Ако родители се незаинтересирани за домашната работа на своето дете, тогаш ја губат можноста да го научат детето за позитивниот став како работници. Овие вредности се премногу важни за целиот овој процес да биде препуштен на случајноста.

Воведувањето на едноставнатадневна рутинае од голема помош :

Читајте им на вашите деца и кога се многу мали – Редовното читање ќе се трансформира во редовна навика за завршување на домашните здачи, кога децата ќе појдат на училиште.

Одредете место и време за учење и домашна работа – Местото не мора да биде нешто посебно, но најважно е децата да ја добијат пораката дека домашната задача е приоритет.

Исклучете го телевизорот – Најдобро е телевизорот да не биде во собата каде што децата учат, за да можат да се сконцентрираат на домашната задача и учењето на лекциите. Многу од педагозите препорачуваат телевизорот да биде исклучен во текот на целата недела додека детето оди на училиште.

Завршувајте ги вашите обврски додека вашето дете ја пишува домашната – Можете да си ги средите документите, да читате нешто или да ги завршите обврските кои не сте стигнале да ги завршите на работното место. Важно е вашите деца и вас да ве видат дека пишувате, читате и се концентрирате на работата за да им послужите како личен пример за градење на навиките.

Инсистирајте домашната работа да биде уредна – Децата треба да научат дека е важно да се претстават себеси и својата работа во најдобар ред, бидејќи тоа и показател за самопочитување и почитување на другите. Навика која ќе им биде корисна во текот на целиот живот.

Проверете само дали домашната задача е комплетно завршена – Барајте детето да ја напише целата постапка а не само крајните резултати. Наставниците треба и да ги видат грешките на вашите деца, за подоцна да можат да ги корегираат и да научат нешто од нив. Никогаш немојте да ја пишувате вие самите домашната задача на детето наместо него. Учествувајте само ако детето ви постави конкретно прашање, па обидете се да му објасните.

Воспоставете го правилото во семејството дека за секој предмет по кој ќе биде добиена оценка помала од 4, ќе воведете дополнително учење – Оценката под 4 значи дека вашето дете не научило 20 проценти или повеќе од она што наставникот смета дека е потребно да го знае.

извор http://www.fakulteti.mk

СТАТУТ

Основното училиштето ,,Малина Попиванова,,- Кочани е основано со Одлука бр. 02-251/4 од 26.08.1985 година, а е верифицирано со Решение бр. 13-6492 од 20.12.1985 год. од Секретаријат за општествени дејности-Кочани.

Училиштето има својство на правно лице и е запишано во судскиот регистер по ЕМБ 4107390.

КОНТАКТ ИНФО

Училиштето „Малина Попиванова“ се наоѓа во близина на Заводот за вработување.

Тодосија Паунов бр.95, Кочани

Телефон/Факс: 033/271-692